Innrás múslima á vestræn gildi

Lög múslima eiga ekki heima innan hins vestræna menningarheims. Það er ástæða fyrir því að þessir tveir menningarheimar skuli oftar en ekki lenda í útistöðum við hvorn annan, gildin eru ólík og óraunhæft er að samræma þau. Við sem búum í hinum vestræna heimi erum vön okkar eigin gildum, svo vön að við komum oft ekki auga á þau fyrr en brotið er gegn þeim gildum. Við lítum á okkur sem hugsandi, frjálsar og jafnréttháar manneskjur, þar sem hvert brot gegn þessum gildum er litið alvarlegum augum. Heimur múslima er öðruvísi en okkar heimur að svo mörgu leiti að ólíklegt er að hann geti samræmst okkar menningarheimi. Þó svo að margir fjölmargir múslimar búi í hinum vestræna heimi án nokkurra vandamála þá lifa þeir oftar en ekki einangruðu lífi og reyna ekki að samræmast þeim menningarheimi og þeim gildum sem eru ríkjandi í viðkomandi samfélagi. Ef þeir geta og vilja ekki aðlagast okkar vestrænu gildum og menningu afhverju eigum við, Vesturlandabúar, að innlima þeirra lög og gildi í okkar samfélag? Hvort sem okkur líkar betur eða verr og hvort sem við erum fordómafull eða ekki þá er staðreyndin sú að þetta eru tveir ólíkir menningarheimar með ólík gildi og lög. Við, vestrænar konur þurfum að bera blæjur og hylja líkama okkar í arabalöndum hví ættu þá múslimskar konur ekki að taka niður sínar blæjur í okkar löndum? Kannski er ég fordómafull en ég vil ekki sjá ólíka menningarheima traðka á mínum gildum né vil ég traðka á gildum þeirra í þeirra eigin löndum. Við eigum ekki að láta múslima traðka á okkur og okkar frelsi. Við eigum bara að segja nei og standa fast á okkar gildum og ekki láta þrönga upp á okkur lögum, reglum, siðum eða menningu annarra samfélagsgerða.

Hugmyndir sharia laga í breska dómskerfið?

Athugasemdir

[Bryndís Júlíusdóttir (IP-tala skráð) 4.7.2008 kl. 09:45]

Þetta er líka spurning um mannréttindi.  Er hægt að skrifa undir það að fjölskyldan - lesist karlpeningur fjölskyldunnar sé í fullum rétti til að taka konur af lífi fyrir það sem við hér á vesturlöndum teljum engar sakir ?  Bara það er algjörlega ósamræmanlegt okkar gildum.  Það er því miður hyldjúp gjá á milli þessara tveggja menningarheima.  Við ætttum líka að gæta að því að öfga múslímar eru fullir af kynþáttahatri gagnvart okkar gildum og líta niður á okkur fyrir frjálslyndið.

[Helgi Hrafn Gunnarsson (IP-tala skráð) 4.7.2008 kl. 12:28]

Mér finnst svolítil hræsni í þessu með blæjurnar. Mér finnst ekki sjálfsagt að konur beri blæður í múslimskum ríkjum (nema af praktískum ástæðum, vegna hitans), ekki vegna þess að ég hafi neitt á móti blæðum, heldur því að mér finnst það frumstætt og kjánalegt að segja fólki hvernig það eigi að klæða sig.

Það hefur strax þá afleiðingu að það er frumstætt og kjánalegt að segja fólki hvernig það eigi að klæða sig hér í vesturlöndum líka. Okkar menning er ekki betri en þeirra vegna þess að við höfum aðra fatatísku eða annað sjónarmið á klæðaburð, heldur vegna þess að hver manneskja má ákveða sjálf hverju hún ætlar að klæðast án þess að vera handtekin fyrir það.

Hvort glæpurinn sé að vera með blæju eða að vera ekki með blæju, finnst mér alveg jafn kjánalegt. Ég sé reyndar nákvæmlega engan mun á þessu tvennu.

[Eiríkur S. (IP-tala skráð) 4.7.2008 kl. 12:33]

Við skulum ekki gleyma því að það er Vesturlönd sem leyfa herskáum múslimum að vaða uppi með frekju og yfirgang. Að þessu leyti liggur sökin hjá okkur. Því ef það er eitthvað sem við erum hrædd við, þá er það að segja nei við minnihlutahópa. Kv...

[Helgi Hrafn Gunnarsson (IP-tala skráð) 4.7.2008 kl. 12:59]

Fyrirgefðu, hvar sérð þú alla þessa herskáu múslima? Ég hef kynnst nokkrum múslimum í gegnum tíðina og enginn þeirra var eða er herskár eftir því sem ég fæ best séð. Né reyna þeir venjulega að "troða upp á mig" trúarskoðunum sínum, reyndar forðast þeir umræðuefnið yfirleitt.

[Eiríkur S. (IP-tala skráð) 4.7.2008 kl. 13:49]

Það er hellingur af herskáum múslímum í Evrópu. Og það eru þeir sem láta hvað hæst þegar kemur að móðgunargirni. Ég þekki sjálfur slatta af múslímum, bý í borg þar sem býr talsvert hátt hlutfall múslíma. Herskátt er að krefjast þess að sér sé sýnd virðing sem maður sjálfur er ekki reiðubúinn að sýna öðrum. Og þar sem ég bý er allt morandi í slíkum einstaklingum...Kv

[Alexander Kristófer Gústafsson, 4.7.2008 kl. 14:05]

Okkar menning er betri en sú islamska.