Þvílík endemis vitleysa

Ráðherra er bara ekki heill á geði það er nokkuð ljóst. Er ekki hægt að krefjast þess að hann segi af sér. Forsætisráðherra í Taílands varð að segja af sér fyrir að vera með matreiðsluþátt og það er nú varla alvarlegt brot gegn lýðræðinu, en að sýna engan vilja til að semja við mikilvægustu stétt landsins og stefna þeim svo fyrir ólögmætar uppsagnir er hneyksli. Slíkt gerir engin heilvita maður amk ekki maður sem á börn né lætur sér annt um þau. Slíkur maður á ekki heima í ríkistjórn.Það er hvorki lýðræðislegt né mannúðlegt að neita tilvonandi meðlimum þjóðfélagsins um þá þjónustu sem þau eiga skilið. Hvað þarf til, til þess að samið verði við ljósmæður, að barn eða móðir deyji í fæðingu vegna þess að það var enginn vilji frá ríkistjórn landsins að semja við ljósmæður?

Ljósmæður: Uppsagnir löglegar

Semjið við ljósmæður!!!

Hvernig væri þá t.d. að semja við ljósmæður. Það er ekki endalaust hægt að tala um að minnka launamuninn það verður að gera hlutina og hvernig væri að byrja á því að laga laun ljósmæðra, sem er ein mikilvægasta starfsstétt landsins. Ég á sjálf von á mér í byrjun október þegar allsherjarverkfall á að skella á og ég kvíði mikið fyrir því að verða hreinlega bara látin fæða inn í kústaskáp eða heima og fá ekki mannsæmandi þjónustu ef eitthvað skyldi koma upp á. Þetta er gríðarlega alvarlegt ástand og ég held að fólk gerir sér ekki alveg almennilega grein fyrir því ennþá, hvað þarf til, að barn eða móðir deyji í fæðingu?

SEMJIÐ VIÐ LJÓSMÆÐUR STRAX!!!!

„Óviðunandi niðurstaða“

Hneyksli!!!

Það eru sem sagt til peningar í kerfinu til að hækka laun launahárra forstjóra en það eru ekki til peningar til að hækka laun ljósmæðra sem sinna einu mikilvægasta starfi þjóðfélagsins. Þetta er hneyksli, sýnir bara viljaleysi til að mæta raunhæfum og sanngjörnum kröfum ljósmæðra. Hvernig væri að hækka laun þeirra um 25%. Ótrúlegt.

Laun forstjóra Landspítala hækka

Frábært, ég verð þá bara að halda í mér!!!

Verkfall skellur á daginn áður en ég er sett, frábært. Á ég þá bara að eiga barnið mitt ein með aðstoð mannsins míns, veit ekki hvort ég treysti mér til þess þar sem þetta er fyrsta barn. Ég spyr, hvað verður gert við konur eins og mig sem eiga að fæða á þessum verkfallstíma, er bara lok lok og læs upp á fæðingadeild, Sorry þið verðið bara að koma seinna farið bara heim og reynið að halda barninu inni eða takið sjálfar á móti því. Hverslags framkoma er þetta af hálfu ríkisins að setja fæðandi konur í þessa stöðu, við erum nú nógu hræddar og stressaðar fyrir að það sé ekki ofan á bætt verkfall ljósmæðra. Mér lýst ekkert á þetta, ég verð bara að fljúga erlendis eða eitthvað, ég vil ekki gera þetta ein og óstudd, heima uppi í rúmi eða eitthvað álíka.

Viljið þið gjöra svo vel og semja við ljósmæður um almennileg laun svo ég geti fætt barnið mitt með þeirri aðstoð sem við eigum skilið.

Aðgerðir hefjist í september

Helvítis bankar og bankamenn

Ég myndi gefa hægri höndina fyrir 1/10 af launum hans á mánuði, þá gæti ég borgað allar mínar skuldir á einu bretti. Hvað gerir svona fólk við peningana eiginlega, afhverju gefa þeir ekki fátæklingum eins og mér hluta af launum sínum! Nei, þeir reyna frekar að klekkja á manni og blóðmjólka mann um hvern eyri sem maður á og jafnvel á ekki til þess eins að geta borgað sjálfum sér svimandi há laun sem dyggðu til að fæða heila Afríkuþjóð í ár eða meira. Ég öfunda svo sem ekki þessa menn og konur því ég myndi ekki vita hvað ég ætti að gera við alla þessa peninga, ég einfaldlega fyrirlít þetta fólk, hirðir af manni allt og gefur ekkert til baka, smásálarháttar þessa fólks er til skammar. Að hafa samvisku í að borga sjálfu sér svona svívirðilegar upphæðir á meðan þjóðfélagið líður fyrir með hækkandi lánaafborgunum og vaxandi kreppu.

 

Með 62 milljónir á mánuði

Vont kaffi!!!!!!!

Afhverju í ósköpunum vill fólk fá inn erlenda samkeppni og þar með draga úr grósku þessara íslensku fyrirtækja. Skil ekki svona bull. Nauðsynlegt er að styðja við íslensk fyrirtæki sér í lagi á þessum síðustu og verstu tímum. Auk þess er Starbucks með ógeðslegt Amerískt kaffi sem er ódrykkjarhæft. Ég vil ekki sjá þessa keðju hér á landi. Niður með Starbucks.

Starbucks er ekki á leiðinni

Hvað er að!!!

Ég á von á mínu fyrsta barni eftir rúmlega tvo mánuði og ég spyr bara verður einhver til staðar til að taka á móti barninu mínu? Það virðist vera í lagi samkvæmt yfirvöldum, að borga ljósmæðrum ómannsæmandi laun fyrir að gegna einu mikilvægasta starfi samfélagsins þ.e. að taka á móti nýju lífi. Það er eins og yfirvöld geri sér ekki grein fyrir því hvað er í húfi. Mér finnst sem yfirvöld séu að segja að líf barnsins míns skipti engu máli. Er þjóðfélagið orðið svona siðblint að peningar eru farnir að skipta meira máli en mannslíf? Hvað er eiginlega að spyr ég bara!!!

Ég styð ykkur heils huga ljósmæður, ég vona bara að ég fái nauðsynlega þjónustu þegar kemur að fæðingu barns míns, ég get jú ekki haldið í mér!!!

Árangurslaus samningafundur

Innrás múslima á vestræn gildi

Lög múslima eiga ekki heima innan hins vestræna menningarheims. Það er ástæða fyrir því að þessir tveir menningarheimar skuli oftar en ekki lenda í útistöðum við hvorn annan, gildin eru ólík og óraunhæft er að samræma þau. Við sem búum í hinum vestræna heimi erum vön okkar eigin gildum, svo vön að við komum oft ekki auga á þau fyrr en brotið er gegn þeim gildum. Við lítum á okkur sem hugsandi, frjálsar og jafnréttháar manneskjur, þar sem hvert brot gegn þessum gildum er litið alvarlegum augum. Heimur múslima er öðruvísi en okkar heimur að svo mörgu leiti að ólíklegt er að hann geti samræmst okkar menningarheimi. Þó svo að margir fjölmargir múslimar búi í hinum vestræna heimi án nokkurra vandamála þá lifa þeir oftar en ekki einangruðu lífi og reyna ekki að samræmast þeim menningarheimi og þeim gildum sem eru ríkjandi í viðkomandi samfélagi. Ef þeir geta og vilja ekki aðlagast okkar vestrænu gildum og menningu afhverju eigum við, Vesturlandabúar, að innlima þeirra lög og gildi í okkar samfélag? Hvort sem okkur líkar betur eða verr og hvort sem við erum fordómafull eða ekki þá er staðreyndin sú að þetta eru tveir ólíkir menningarheimar með ólík gildi og lög. Við, vestrænar konur þurfum að bera blæjur og hylja líkama okkar í arabalöndum hví ættu þá múslimskar konur ekki að taka niður sínar blæjur í okkar löndum? Kannski er ég fordómafull en ég vil ekki sjá ólíka menningarheima traðka á mínum gildum né vil ég traðka á gildum þeirra í þeirra eigin löndum. Við eigum ekki að láta múslima traðka á okkur og okkar frelsi. Við eigum bara að segja nei og standa fast á okkar gildum og ekki láta þrönga upp á okkur lögum, reglum, siðum eða menningu annarra samfélagsgerða.

Hugmyndir sharia laga í breska dómskerfið?

Ágætis grein hér um Ólaf Elíasson, hvernig væri að kíkja inn á bloggið mitt!!!

Hafði fyrir því að skella saman í smá pistil um kappann og enginn nennir að lesa þetta hverslags menningarleysi er þetta af hálfu bloggheima? Endilega komið með athugasemdir ofl. um þetta mál og pistilinn...

Ímynd einfaldleikans!!!

Fossarnir fjórir í New York marka tímamót í list Ólafs Elíassonar því þetta er umfangmesta verk hans til þessa. Hann hefur áður unnið með þetta konsept en af allt annarri stærðargráðu því eru það gleðitíðindi hversu vel hefur verið tekið í þessa ,,lifandi" skúlptúra hans.  

Ólafur Elíasson er einn af þeim íslensku listamönnum sem hvað mest hefur verið í sviðljósinu undanfarin ár bæði hér heima og ekki síður erlendis. Þó svo að hann sé uppalinn í Danmörku þá höfum við Íslendingar tileinkað okkur nafn og verk þessa geðþekka manns. Ólafur hefur aðallega fengist við innsetningar inn í ýmiskonar rými og uppsetningar á ,,lifandi" skúlptúrum utandyra.

Segja má að hann hafi orðið heimsfrægur á einni nóttu er ,,Sólin" eða "The weather project" eins og verk hans hét í raun, hans var afhjúpuð í túrbínusal Tate Modern í október 2003. Þar mátti líta stærðarinnar sól sem var afskaplega einföld hugmyndafræðilega séð en eilítið flóknari í uppsetningu. 

Verk Ólafs eru flest ef fljótt er á litið afskaplega einföld í hugsun en framkvæmdin mun flóknari. Hugmyndafræðin á bak við verkin virðist einnig vera einföld en oftar en ekki er mun meira á bak við hvert verk. Þau fjalla ekki einungis um náttúruna heldur tímann og rúmið. Oftar en ekki fá verk hans fólk til að skynja fallvaltleika lífins og að ekkert varir að eilífu. Náttúran er breytingum háð og verk hans sýna vel hversu mikið hönd mannsins spilar inn í umbreytingar náttúrunnar. Einnig snerta verk hans á samfélagslegum þáttum, þau hafa ákveðinn sameiningarkraft á sama tíma og þau eru ákaflega pólitísk.

Verk hans líkt ,,Sólin" þjónaði hagsmunum almennings þar sem fólk kom saman og sat undir sólinni líkt um hina raunverulegu sól væri að ræða og skeggræddi málefni líðandi stundar og snæddi hádegisverð. Á sama tíma sköpuðust umræður um umhverfismál og virtist hugmyndin um gervisól stuðla að aukinni vitundarvakningu almennings um náttúruna og óvaranleika hennar.

Ekkert varir að eilífu og tíminn sér til þess. Með því að láta verk sín vera háð tíma og rúmi er Ólafur einmitt að fjalla um endaleikann en á pólitískan hátt með því að sýna allan þann búnað sem þarf til uppsetningar verka hans. Það sést að mannshöndin hefur komið að verkinu líkt um virkjun fossa væri að ræða eða aðra staði þar sem maðurinn hefur haft afskipti og inngrip í náttúrna. Engu er leynt og því ættu verk hans að vera svipt allri töfrahulu en það er eitthvað heillandi við að sjá manngerða sól eða foss þrátt fyrir allar þær áleitu hugsanir um umhverfismál leiti á mann.

Það eru kannski einmitt hugsanir um tímann og eilífðina sem halda manni hugföngnum yfir ekki flóknari verkum en oft er einfaldleikinn einmitt stórbrotnastur því ekkert er eins einfalt og það sýnist.

Fossar falla í Austurá